ناس كتير طلبت منى اعمل مقارنة فى التربية بين اكثر
كلبين شهرة او محبوبين على مستوى مربى الكلاب فى مصر هما الروتوايلر و الجيرمن شيبرد .
الى بيربى جيرمن بيقول عليه احسن و اجدع
صاحب و الى بيربى روتوايلر بيقول كلب فيه كل ما تتمناه اخر عظمة و مش عايز اكتر من
كده.
هنحاول النهارده نعمل مقارنة سريعة بينهم
من حيث الصحة و المناعة ضد الامراض و القوة و الصفات المزاجية و مدى تقبل التدريب.
الفرق بين الجيرمن شيبرد والروت وايلر
اولا الصحة : هنا يكسب الجيرمن شيبرد بسهولة لانه اكثر
مناعة بيشتركوا مع بعض فى مشكلة خشونة المفاصل و دى موجودة عند كل الكلاب الكبيرة
و بيشتركوا فى مشكلة تساقط الشعر لكن طبعا لو الجيرمن لونج هير تساقط شعره بيبقى
اكتر لكن الروت مناعته اضعف و بيحتاج رعاية صحية اكبر .
ثانيا القوة :- فى القوة الروت يكسب لكن مش بسهولة بالنسبه لقوة العض الروت وايلر فيحتل بها المركز الرابع على جميع الكلاب الاليفه وحتى الكلاب البريه اما عضة كلاب الجيرمن شيبرد فيحتل بها المركز السابع فى عالم الكلاب لكن الجيرمن اكثر نشاط و حركة عن الروت بس الروت صاحب كتلة عضلية لا يستهان بها.
اقرأ ايضا عن اقل سلالات
الكلاب النباحا
ثالثا الصفات الجسدية :- الجيرمن جسمه رياضى قوى متوسط
المرونه سريع الحركه, اما كلب الروت وايلر يمتلك جسم عضلى مرونته ضعيفة و سرعته
متوسطه يعنى الروت عضلات و الجيرمن لياقة و مرونة .
رابعا مدى تقبل التدريب :- مش هنختلف على ذكاء الجيرمن طبعا لانه واحد من اذكى الكلاب لو تم تدريبه بطريقة جيدة بيبقى اسطورة لكن بردو الروت فايلر ذكى جدا بشكل كاف و ده بيخليه بيتقبل التدريب بطريقة جيدة .
خامسا القدرة على الحراسة : الروت يكسب طبعا
و يحتل المركز الثالث على مستوى العالم بينما الجيرمن يحتل المركز السابع و ده ليه
بقى الروت مبيهزرش فى شغله لكن الجيرمن بيعتمد على النباح و السرعة و القوة
البدنية يعنى الروت بيهاجم على طول لكن الجيرمن بيهوهو شوية .
سادسا التربيه
داخل المنزل :- نقدر نقول هنا ان الجيرمن يكسب بالرغم من مشكلة تساقط الشعر الا ان
قوة الروتفايلر و شراسته بتجعل من الصعب تربيته داخل الشقق لانه ممكن يجرى شوية و
يوقع تربيزة او تليفزيون من غير ما ياخد باله او حتى يحاول يتفاداهم لكن الجيرمن هيتفداهم طبعا بمرونة و لياقة.
سابعا سهولة
التنظيف :- بالنسبة للجيرمن اللونج هير الموضوع ده مقرف جدا لكن لو قارنا الشورت
هير مع الروت نجد الاثنين سهل التنظيف و الحموم عادى.
الفرق بين الجيرمن شيبرد والروت وايلر
اقرأ ايضا عن أشهر
10 مشاكل سلوكية للكلاب
ثامنا طاعة
الاوامر:- الاثنين كلبين مطيعين لكن الروت كلب صاحب شخصية و عنيد فلازم اولا يكون
صاحبه بشخصية قوية و ذو خبرة فى تربية الكلاب.
اقرأ ايضا عن اقوى عضة كلب
حادى عشر المعارك : نيجى بقى للجزء الى الكل
مستنيه من حيث الشجاعة نقدر نقول ان الكلبين فى منتهى الشجاعة لكن قوة الروتفايلر و ثقته بنفسه بتظهره فى شكل اشجع لكن الجيرمن مبيعتمدش فى المعارك على القوة فقط
بل بيعتمد اكثر على الذكاء و المراوغة يعنى بيهاجم بذكاء و بيخيف خصمه بصوته القوى
و نفسه اطول فى الهجوم يعنى ممكن يستمر فى المعركة لاوقات اطول بكتير .
نيجى بقى للمحصلة الروت ممكن يكون اقوى لكن
الجيرمن اذكى لكن احد عيوب الجيرمن الكبرى انه بيحب صوته و بيحب يهوهو و ده بيسبب
ازعاج كبير عكس الروت وايلر الى بيهوهو فى الشديد القوى فى نفس الوقت احد اهم
مشاكل الروت وايلر انه لا يصلح لمربى مبتدئ يعنى عايز حد خبير فى التربية مش لسه
هيتعلم فيه لانه كلب صاحب شخصية قوية جدا و بنيان قوى يجب الحرص فى التعامل معه و
زى ما قلنا فكه من اقوى الكلاب فى العالم ده غير انه لما بيعض مبيفتحش بقه مش زى
الجيرمن الى ممكن يعض و يسيب و يعض تانى و هكذا يعنى عضه منه هتزعلك اوى .
لو عجبك المقال لايك و تاج لمن يهمه الامر و شير و كومنت
صغير عشان يوصل لاكبر عدد من الناس .
الفرق بين الجيرمن شيبرد والروت وايلر
و مش هنسى اقولكم لو بدوروا على اكاديمية تدريب كويسة او
طبيب بيطرى او محل قريب منك و لقراءة المقالات السابقة و متابعة المقالات الجديدة
برجاء التكرم بتحميل تطبيق egypets من متجر جوجل او
اب استور او تحميله من الرابط التالى :
او من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر