مفاهيم خاطئة في تشريس الكلاب

by egy petsegypets •

مفاهيم خاطئة في تشريس الكلاب



كل واحد مربى كلب حراسة بيزعل اوى لو الكلب يبقى جبان و بيتمنى ان كلبه يكون شرس و بينفذ اوامر الهجوم بدون خوف لكن للأسف فيه اساليب غلط بيتبعها بعض الناس و مجرد اساطير غلط جدا و للأسف فيه بعض المدربين بيعملها او بينصح ان الحاجات دى تتعمل بالرغم ان بعضها قد يؤدى الى نتائج عكسيةاو يؤدى الى تشوه شخصية الكلب و من الاساليب دى:-
مفاهيم خاطئة في تشريس الكلاب


1-      قص ذيل وأذن الكلب ليصبح اكثر شراسة
الموضوع ده ملوش اى صلة من قريب او بعيد بشخصية الكلب كان بيتعمل زمان لاهداف معينة زى ان ذيل الروت فايلر كان بيخبط فى اللحم لما كان بيجر عربيات لحم الجزارين او اذن الدوبرمان تعيقه فى الصيد لكن دلوقت الكلام ده ولا له اى لازمة لكن فيه ناس بتعملها كشكل جمالى بالرغم ان نوادى الكلاب اصبحت لا تعترف بالكلب الذى يتم قص ذيله او اذنه .

2-      الضرب الكلب بعنف من اجل زيادة شراسته
فيه ناس بل و مدربين بيستخدموا الاسلوب ده واحب اقول ان ده بيكسر شخصية الكلب و بيكرهه فى البشر بصفة عامة و ممكن يخليه كلب جبان و شخصيته ضعيفة بيهاجم فقط لانه خايف .

3-      حبس الكلب في غرفة مظلمة
اى كلام جدا بل بالعكس لو الكلب اتحبس فترة طويلة بيبقى جبان و هجومه بيقى خوف بس و فى كثير من الاحيان بيهاجم صاحبه.

4-      تقديم الأكل النيئ للكلب
الصراح هانا مش عارف مين صاحب الاسطورة الغريبة دى بغض النظر عن اضرار الطعام النى انه ممكن يكون ملوث او فائدته ايه دخل الاكل فى الشخصية طبعا مالوش اى لازمة .

مفاهيم خاطئة في تشريس الكلاب

فى النهاية يجب ان نقول ان فيه عوامل وراثة بتأثر فى موضوع الشراسة و جراءة الكلب و فيه عوامل نفسية و مؤثرات سببها تصرف غلط عمله صاحب الكلب معاه و هو جرو زى مثلا جه يعضه براحه ضربه جامد و زعقله و عايز بعد كده يعض ازاى يعنى او ممكن الزعيق و الضرب الكثير للكلب يكسر شخصيته .

طب لو كلبى جبان هل الموضوع ده له حل ؟
الاجابة ان كل ما الحل كان بدرى كل ما يبقى افضل يعنى و هو جرو احسن من و هو كلب كبير لكن وجب التنويه ان شخصية الكلب لا تكتمل قبل سن سنة و لازم خلال السنة دى تدعم شخصية الكلب ببعض اللعب معاه زى مثلا انك تلاعبه لعبة شد الحبل او الفوطه و تخسرله مش كل مرة طبعا تشجعه لو عمل حاجه كويسة اما موضوع تشريس الكلب ده فمينفعش صاحب الكلب يعمله لازم حد غريب و لازم يكون مدرب محترف مش اى كلام و بطرق معينة يعلمها المدربين .

طب لو كلبك بيخاف من حاجه معينة تعمل ايه ؟
 اديلو فرصة يستكشفها بنفسه يشمها و يلمسها و ساعتها هينتهى الخوف ده تلقائى طل لو الحاجه دى هى انه بيخاف من الناس خرجه كتير يمشى وسط الناس بشرط ان محدش يلمسه او يحط ايده عليه .



مفاهيم خاطئة في تشريس الكلاب

لو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس.



و مش هنسى اقولكم لو بدوروا على اكاديمية تدريب كويسة او طبيب بيطرى او محل قريب منك و لقراءة المقالات السابقة و متابعة المقالات الجديدة برجاء التكرم بتحميل تطبيق egypets من متجر جوجل او اب استور او تحميله من الرابط التالى :

لمتابعة المقالات الجديدة و قراءة المقالات السابقة من التطبيق الاول لمحبى الحيوانات الاليفة فى مصر #تطبيق_كلاب_قطط

لتحميل التطبيق 






او من خلال موقعنا :



#تطبيق_ايجى_بتس
#اليفك_بيحبك
#egy_pets

تطبيق كلاب وقطط فى مصر تطبيق تزاوج كلاب و قطط اول برنامج للحيوانات الاليفة فى مصر

تطبيق كلاب وقطط فى مصر -  تطبيق يساعد على تربية الكلاب -  تطبيق للحيوانات الاليفه فى مصر

Tags:
أحدث أقدم