اكثر الاساطير الخاطئة فى تربية الكلاب
بعد انتشار السوشيال مديا اصبح مربو الكلاب اكثر علما من
قبل ذلك و اصبح الحصول على معلومة او استشارة سريعة سهلة زى تطبيق ايجى بتس مثلا
الى بيتيح ليك انك تسأل بيطرى او تسأل مدرب لو عندك اى استشارة سريعة .
اقرأ ايضا عن هو الكلب بيفهم كلامى ؟
اكثر الاساطير الخاطئة فى تربية الكلاب
لكن زمان كانت الناس بتتناقل الاساطير الكاذبة عن تربية
الكلاب و الى كانت بتنتشر بين المربيين لدرجة ان ناس كتير صدقتها و فضلت ترددها
لحد لدوقت.
اقرأ ايضا عن كلبى بيخرب العفش اعمل ايه ؟
و لازم نعرف ان معلومة غلط تطبقها مع كلبك قد تفسد
علاقتك بيه .
دلوقت هنتعرف على بعض الاساطير الاكثر انتشارا و التى
ليس لها اى اصل فى الحقيقة.
الاسطورة الاولى : لا يمكن تدريب الكلب بعد ما يكبر .
الى هو عندنا بالبلدى بعد ما شاب ودوه الكتاب و الكلام
ده فى الحقيقة غلط و الصحيح ان فعلا من الاسهل انك تدرب الجرو الصغير و تعوده على
اى شئ لكن بردو الكلب الكبير بقليل من المثابرة يمكن تدريبه و الكلاب المنزلية
تعليمها مش صعب حتى بعد التقدم فى العمر
يعنى الكلب الكبير كمان ممكن اعلمه يخش الحمام و ممكن
اعوده على اى حاجه بس زى ما قلت مش بنفس سهولة الجرو و بقليل من المثابرة.
اكثر الاساطير الخاطئة فى تربية الكلاب
اقرأ ايضا عن تأهيل الكلاب وتحسين سلوكهم
الاسطورة الثانية : لو عودت الكلب على الجلوس جنبك على
الاساس تبقى بتدلعه و تفسده و مش هتعرف تدربه .
اولا لازم نتفق ان تربية الكلب او تدريبه بيعتمد عليك مش
على الكلب يعنى اى غلط يعمله الكلب اعرف ان انت السبب فيه مش هو و جلوس الكلب
بجانب صاحبه ده بيخليه اكثر قربة و طمأنينة لكن بردو لازم افهمكم ان لو حصل و
الكلب وصلته الرسالة ان الشخص ده ملكه و ده فعلا بيحصل فى بعض الحالات ساعتها
بيكون عدوانى مع اى انسان يفكر يقرب لصديقه حتى لو كان اقرب الاقربين بمبدأ الغيرة
فقط و ساعتها هتحتاج مدرب كويس عشان يعدل سلوكه العدوانى لكن موضوع جلوسه جانبك
على الكنبة او الاريكة بالرغم انه ممكن يجربها او يوسخها و ده مش هيبسطك ففيه طرق
شرحناها فى مقالات قبل كده عشان تبعده عن الاثاث لكن ملوش دعوة الموضوع بدلعه
خالص.
اقرأ ايضا عن تدريب كلبك على الثبات
الانفعالى
الأسطورة الثالثة: عود كلبك انه ميشمشمش فى الارض و هو
ماشى .
و دى بقى احد الاساطير الكوميدية عشان الكلب بيستخدم
حاسة الشم فى الاستكشاف فمن المستحيل انك تمنعه من الاستكشاف مهما عملت .
اقرأ ايضا عن حقيقة
مذهلة عن حاسة الشم لدى الكلب
الأسطورة الرابعة: لو شفت الكلاب بتتخانق سيبهم لحد ما
يخلصوا الخناقة .
طبعا الى دخل المفهوم الخاطئ ده للناس ان التدخل فى
معركة كلاب عاقبته وخيمة لان الكلب حتى لو كان كلبك بيبقى مش شايف ادامه و خوفه
ممكن يخليه يعض اى ايد بالخطأ الى طبعا ممكن تكون ايدك.
لكن احنا شرحنا قبل كده فى مقال فى التطبيق ازاى تفض
عراك بين الكلاب المتقاتلة و انت بعيد يعنى من غير ما تحشر ايدك بينهم من الطرق دى
رش المياه او عمل صوت عالى او ضوضاء عشان تشتت انتباه الكلاب المتعاركة و بعدين
تاخد كلبك و تمشى ده طبعا مع العلم انه كلبك يعنى المفروض تمنع الخناقة من اولها لما
تلاحظ انه اوشك على الخناق من لغة جسده.
اقرأ ايضا عن تعمل ايه لو كلبك اتخانق مع كلب
تانى ؟
الأسطورة الخامسة: التريت او التحفيز الايجابى بيفسد
الكلب.
من الاخر كده التحفيذ الايجابى سواء كان بالتريت او
الطبطبة او كلمة المدح هو اسرع طريقة لتدريب الكلاب عشان يعرف انه عمل حاجه كويسه
و يكررها غير كده اى كلام.
اقرأ ايضا عن
ادوات تدريب الكلاب الاكثر شهرة فى العالم
الأسطورة السادسة: الكلب بيكره الطوق و مبيكونش مبسوط
الا لو سيبته من غير سلسلة.
خليك فاكر انك مسؤول عن كلبك و عن اى تصرف يتصرفه يعنى
لازم تعوده من صغره ان عشان يخرج لازم يكون مربوط و هو ده النظام ساعتها هيتعود
على النظام ده و مش هيبقى فيه اى مشكلة معاه و متقلقش هو كده كده لما يخرج معاك
هيكون مبسوط حتى لو رابطه بسلسلة و طوق و غيره .
اقرأ ايضا عن ازاى
اخلى كلبى يمشى جنبى
لو عجبك المقال لايك و تاج لمن يهمه الامر و شير و كومنت صغير عشان
يوصل لاكبر عدد من الناس .
و مش هنسى اقولكم لو بدوروا على اكاديمية تدريب كويسة او طبيب بيطرى
او محل قريب منك و لقراءة المقالات السابقة و متابعة المقالات الجديدة برجاء
التكرم بتحميل تطبيق egypets من متجر جوجل او اب استور او تحميله من الرابط التالى :
لمتابعة المقالات الجديدة و قراءة المقالات السابقة من التطبيق الاول
لمحبى الحيوانات الاليفة فى مصر #تطبيق_كلاب_قطط
لتحميل التطبيق
اكثر الاساطير الخاطئة فى تربية الكلاب
او
من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر