انواع عنف من الكلاب و طرق علاجها
بقلم د. هالة الدسوقى
الحقيقة انواع العنف فى الكلاب كتير جدا
هنحاول نقول منها كم مثال و نشوف بعد كده الحل ازاى
اولا العنف الـ territorial و ده ان الكلب بيدافع عن منطقة
نفوذه:
و
دى بنشوفها كتير فى الشارع لما مثلا نبقى بنمشى الكلب و نخش منطقة كلاب بلدى
الكلاب دى بتهوهو عشان تطرد الكلب من منطقة نفوذ القطيع يعنى عنف فطرى للدفاع عن
اقليمه و ده لا يعتبر سلوك عنيف و بنسميه عنف لكنه مش خطير بيظهر لو حسوا بضعف
الكلب و ممكن يتحول السلوك من فطرى لعنف حقيقى و يهاجموا الكلب بل ممكن يحاولوا
يموتوه عشان يدافعوا عن منطقتهم .
انواع عنف من الكلاب و طرق علاجها
ثانيا سلوك العنف للحماية :
و
ده بردوا فطرة لان فطرة الكلاب انها تعيش فى قطيع ليه الفا او قائد فطبيعى لما
يكون حد من افراد القطيع بيتعرض لخطر الهجوم من كلب غريب بيتدخل الالفا و يكون فيه
عنف عشان يدافع عن اطراف قطيعه و ده بنسميه السلوك العنفى الدفاعى و طبعا ده
بنشوفه فى الكلبة الام لما بتبقى لسه ولده او معاها اطفالها بتبقى عنيفة جدا تجاه
اى خطر على اطفالها .
ثالثا العنف الامتلاكى:
و
ده بردوا فطرة و هنقول امتى يكون طبيعى و امتى ميكنش طبيعى و ده بنشوفه لما نقدم
الاكل للكلب و نحاول نشيله من ادامه لو كان جعان و ساعتها بيكون رد فعله عنيف و
ممكن توصل انه يهاجم صاحبه او يعضه من غير ما يقصد و دايما بننصح فى العيادة اننا
لو كلبك جعان متقربش منه و هو بياكل مهما كان السبب و جاتلنا مرة حالة ان كلب موت
جرو من ولاده لانه قرب لطبقه يشمشمه قام شاله من راسه رماه فالجرو مات و قولنا ان
ده سلوك طبيعى انه بيخاف على اكله او لعبته و ده حب الامتلاك و دى حاجه معروفة
لدرجة ان من غرائز الكلاب انهم يحفروا و يخبوا حاجتهم و ده كل مربى الكلاب بتشوفه
امتى بقى السلوك ده مش طبيعى بنشوف الموضوع ده فى الكلاب لما يكون عندها حمل كاذب
و جسمهم يفرز هرمونات امومة بطريقة عالية فتلاقى الكلبة لما تاخد حاجه بتبقى عنيفة
جدا لو حد قربلها و هتكون شرسة جدا فده مش طبيعى او من الفطرة ده خلل هرمونى نتج
عنه سلوك غير سوى.
اقرأ ايضا عن هل تصاب الكلاب بالملل أحيانا ؟
رابعا العنف بسبب الخوف:
و
ده بيكون ان بسبب بعض المدربين قليلى الخبرة بيدربوا الكلب جامد او حابسينه او
معذبينه عشان رد فعله يكون عنيف و هما معتقدين كده انه خلا الكلب شرس او عنيف لكن
فى الحقيقة هو خلاه خايف و ساعتها بيبقى الكلب عنيف فى و ده بردوا بنشوفه لو كنت
بتحبس الكلب كتير او ربطه دايما بالخناقة بيكون رد فعله انه اول ما يخرج من حبسته
بيكون عنيف و ميسمعش الكلام و كل ده بيندرج تحت العنف الناتج عن السلوك الخاطئ مع
الكلب لان بيكون جواه طاقة و بالخصوص لو كان احد انواع الكلاب النشيطة الى بتحتاج
تمشى يوميا .
خامسا العنف الاجتماعى:
و
ده بنسميه فى البشر الرهاب الاجتماعى يعنى الكلب طول عمره متربى فى بيت مبيشوفش
ناس او كلاب و لا بيروح حته بالتالى بيكون خايف اول ما يشوف حد غريب سواء كان شخص
او حيوان و ترجمة الخوف ده بتكون فى شكل حاجه من اتنين اما يكون جبن و يستخبى او
عنف و يهاجم و طبعا لو ملقاش حته يستخبى فيها بيكون تصرفه عنيف تجاه الاغراب.
سادسا العنف اثناء فض عراك الكلاب:
و
ده بنقابله احنا بمعنى انك لو لقيت كلبك بيتخانق مع كلب تانى و حاولت بطريقة غلط
تفض الخناقة دى فيه احتمال ان كلبك الشخصى حبيبك اليفك يعضك لانه مبيبقاش شايف فى
وسط الخناقة عشان كده مش مستحب انى افك بين كلبين فى خناقة بايدى لان اثنين
بيتخانقوا مش شايفين ادامهم .
سابعا العنف الناتج عن الالم :
ساعات يجيلنا كلب بيتألم من حته معينة و
مجرد ما نمسك مكان الالم ممكن يكون رد فعله العض و ده عنف طبيعى و مبرر بسبب الالم
.
ثامنا العنف الفطرى ما بين ذكرين :
ممكن يكون على انثى فى موسم التزاوج و
ساعتها ممكن حد فيهم يموت التانى عشان الى هيكسب هو الى هيفوز بالانثى فطبيعى انى
محطش ذكرين فى وجود انثى مع بعض
اقرأ ايضا عن ازاى اخلى كلبى يحبنى؟
نبتدى بقى نتكلم شوية عن طرق التغلب على
العنف او التنبؤ به و طبعا كمية العنف و طريقته بتختلف من كلب للتانى و من موقف
لموقف بعنى مثلا عنف الالم غير عنف الامومة غير عنف كلبين بيتخانقوا طب ايه
الاعراض و اعرف منين ان الكلب فى طريقه للعض .
انواع عنف من الكلاب و طرق علاجها
اقرأ ايضا عن تأهيل الكلاب وتحسين سلوكهم
اول حاجه لازم اتابعها هى الـ BODY LANGUAGE او لغة الجسد بتاعة الكلب بلاقى جسمه بدأ ياخد
وضع الهجوم و شعره يقف و يهز ديله بسرعة مش هزة فرح لا هزة غضب و يرفع شفته
الفوقانية ساعتها بيكون على وشك العض و يزوم او يزمجر زى ما تسموها فى المقابل
الكلب التانى لو خايف بينيم ودانه و يخبى
ذيله و طبعا مش كل الكلاب زى بعض يعنى فيه كلب بيبرق و يركز جامد او يحرك ودنه
حركة مش طبيعية و صاحب الكلب ساعتها هيفهم ان دى علامة هجوم و الحل سهل جدا انى
بشوف السبب ايه و ابعده يعنى لو خناقة كلاب ببعد الكلب عن موقع الحدث مثلا .
اقرأ ايضا عن
ازاى تعاقب كلبك
اما بقى لو حاجه فطرية زى الامومة و
الامتلاك و هكذا فمش هينفع اتدخل فى فطرة الكلب و مش هعرف بس ساعتها افكر ازاى
احمى كلبى و احمى نفسى يعنى لو سلوك العنف الدفاعى عن منطقة مثلا مفيش داعى اعدى
من المنطقة دى و اخد كلبة و ابعد لان المكان ده له اصحاب اما بقى لو كان على الاكل
فدى غلطى لانى اتصرفت غلط فى وقت غلط .
و لو كان موضوع الحمل الكاذب فلازم اعالج
موضوع اضطراب الهرمونات الاول و هكذا اما علاج عراك الكلاب فده فيه مقالة بتتكلم
فى الموضوع ده لكن ممكن اجرب ارش على الكلاب مياه او الفت نظر الكلاب بصوت عالى و
اسحبهم بعيد عن بعض بسرعة و فيه طريقة منصحش حد يجربها و هى انك تشيل الرجلين
الخلفية و تشد الكلب منها عشان يفقد توازنه و يفك لكن الله اعلم هيعمل فيك ايه بس
حذارى تقرب من الكلب فى ساعة الخناقة من جنب وشه لانه هيهبشك و هو مش شايف .
انواع عنف من الكلاب و طرق علاجها
اقرأ ايضا عن كيف تسيطر على خوفك من الكلاب
لو
عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من
الناس
انواع عنف من الكلاب و طرق علاجها
و مش هنسى اقولكم لو بدوروا على اكاديمية تدريب كويسة او طبيب بيطرى
او محل قريب منك و لقراءة المقالات السابقة و متابعة المقالات الجديدة برجاء
التكرم بتحميل تطبيق egypets من متجر جوجل او اب استور او تحميله من
الرابط التالى :
لمتابعة المقالات الجديدة و قراءة المقالات السابقة من التطبيق الاول
لمحبى الحيوانات الاليفة فى مصر #تطبيق_كلاب_قطط
لتحميل التطبيق
او
من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر
صياغة : زفاف سامى