لما
تشترى كلب او اى حيوان اليف بتحبه و بتبقى حاسس انه بيحبك جدا و لان الكلب هو رمز الوفاء
فاحنا هنا هنشرحلك ازاى تخلى كلبك يحبك جدا و يكون فيه بينكم علاقة صداقة و محبة دائمة.
اقرأ ايضا عن نباح الكلب و التغلب عليه
ازاي تخلي كلبك يحبك
عموما
الكلب من يوم ما بتجيبه بيحس انك كل عيلته و بيبقى مستعد للموت فى سبيل الدفاع عن من
يحب و اسرته و لازم نعرف حاجه كمان ان الكلب بيحس بالى ميحسش بيه الانسان يعنى بيعرف
مين بيحبه و مين مضايق منه و اكتر من كده بيحس بمين بيحب صاحبه و مين بيكرهه و ده لانه
عنده حاسة شم بتظهر ما يشعر به الانسان و كائن ذكى جدا و طور ذكاؤه بعشرته للبشر .
لكن
تربية الكلاب ليست بالعملية السهلة ابدا بل هى عملية رعاية و اهتمام لا تنتهى و الكلب
بيحب و بيعرف الشخص المهتم بيه و بيراعيه.
و دلوقت
نخش فى الموضوع الى هو ازاى اخلى كلبى يحبنى :
1- اهتم
بصحته من تطعيمات و ادوية لان صحته من صحة اسرتك و هو هيعرف انك مهتم بيه .
2- اهتم
بطعامه ووفر له طعام متوازن و مفيد و ده ميمنعش انك تديلوا الطعام الى بيحبه بنفسك
و تأكله بايدك لان ده بيوجد ترابط بينكم.
3- لازم
توفرله المية النظيفة بنفسك و الفرشة النظيفة للنوم سواء فى الصيف او الشتاء.
4- خرج
كلبك معاك و خليه مرتبط بيك فسحه و خرجه و مشيه و يفضل لو عندك مكان واسع انك تسيبه
من غير طوق يلعب و يجرى حوليك من غير اى اوامر هو مجرد لعب بس.
5- الاهتمام
بنظافة الكلب يعنى تحميه بايدك و تسرحه و تنظف اسنانه بنفسك كل ده هيزيد الترابط بنكم.
6- خلى
بينكم لغة اشارة مع لغة الكلام و ده هيقربكم من بعض .
7- متضايقوش
بالاحضان و البوس لان الكلب بيكره انه يتكتف و متفتكرش ان ده وسيلة لاظهار الحب .
8- لما
تخرجوا مع بعض سيبه يشم و يستكشف الدنيا بنفسه متضيقش الطوق على رقبته و لا تشده منه
جامد خليه يحب الخروجه و يتبسط.
9- متخليش
العلاقة بينكم مجرد اوامر و خناق و زعيق خلى علاقتكم فيها حب و لعب.
10- حتى
لو مش فاضى خصص من وقتك ساعتين يوميا على الاقل تقعدها مع كلبك يجى يقعد جنبك تلعب
معاه بالكورة او الحبل .
اقرأ ايضا عن حقيقة
مذهلة عن حاسة الشم لدى الكلب
ازاي تخلي كلبك يحبك
كل الى فوق ده ممكن حد يقراه و يقول ده مجرد للرعاية بالكلب مش عشان يحبنى
احب اقولك انه لو كلبك انت الشخصى و البواب هو الى بيحميه و يأكله و يشربه و ينظفله
و يخرجه اعرف انه بقى كلب البواب مش كلبك و بيحبه اكتر منك لان الكلب زى ما قلنا مخلوق
رقيق و حساس و بيشعر بالى جواك و كمان بيفهم مين الى بيرعاه مش بس كده اخلاصه و حبه
كله ممكن ميبقاش ليك و يبقى لغيرك و ساعتها لا تلومن الا نفسك لو مش هتقدر تراعيه متشتريهوش
.
اقرأ ايضا عن ما تضيف تربية الكلاب لشخصيتك
لو
عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من
الناس.
و مش هنسى اقولكم لو بدوروا على اكاديمية تدريب كويسة او طبيب بيطرى
او محل قريب منك و لقراءة المقالات السابقة و متابعة المقالات الجديدة برجاء
التكرم بتحميل تطبيق egypets من متجر جوجل او اب استور او تحميله من
الرابط التالى :
لمتابعة المقالات الجديدة و قراءة المقالات السابقة من التطبيق الاول
لمحبى الحيوانات الاليفة فى مصر #تطبيق_كلاب_قطط
لتحميل التطبيق
او
من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر