هل
تصاب الكلاب بالملل أحيانا ؟
ممكن
تلاحظ ان كلبك مبيلعبش زى الاول او قاعد كسلان و ده بيكون بسبب الروتين الثابت يعنى
بيزهق و بيصيبه الملل والضجر مثل البشر.
اقرأ ايضا عن
المشاكل النفسية للحيوانات الاليفة
هل تصاب الكلاب بالملل أحيانا ؟
طب
ما عنده حق بالذات لو محبوس نفس الاكل تقريبا فى نفس المعاد كل يوم فى نفس الطبق و
حتى لما بيخرج بنسبة كبيرة بيبقى مربوط من رقبته و احتمال كبير جدا يكون وحيد يعنى
ممعهوش كلاب من بنى جنسه يلعبوا معاه و الاكثر من كده لو سيادتك مش فاضى تقعد معاه
و لا تفسحه روتين فعلا ممل جدا.
و ساعتها
نشتكى من السلوك السلبى للكلب مضغ الأشياء، أو تدميرها، أو خربشتها، أو الأنين، أو
النباح.
اقرأ ايضا عن
علامات الخوف عند الكلاب
و طبعا
سلالات الكلاب النشيطة بتكون اكثر عرضه للشعور بالملل و بالتالى اصحاب حوادث تدمير
شديدة و لما تروح تسأل هو الكلب حفر فى الجنينة
ليه او كسر ايه و انت مروح مرهق و تلاقى المنظر ده و هو مستنيك بكل شوق عشان يكسر الملل
ده و يقعد معاك شوية تقوم مزعقله و حابسه و احتمال ضربه لو الحاجه الى اتكسرت غالية
عليك.
اقرأ ايضا عن الإكتئاب في الكلاب
هل تصاب الكلاب بالملل أحيانا ؟
لازم
نعرف نكسر حالة الملل دى ازاى و نتعامل معاها صح ازاى و خصوصا امام الكلاب النشيطة
و الكلاب العنيدة لان العقاب مش هينفع فى حالات كتير.
على
العموم هحاول اقولكم بعض الطرق لكسر الملل عند الكلاب و كسر الحياة الروتينية .
اقرأ ايضا عن نباح الكلب و التغلب عليه
اولا
كل يوم بمعنى كل يوم حاول تدى لكلبك حصة تدريب بنفسك زى سيت و داون و استاى و الاوامر
الى انت محفظهاله مع شوية مدح و لعب و الموضوع ده مش هياخد من وقتك كتير.
اقرأ ايضا عن عشر
أخطاء يرتكبها مربى الكلاب
ثانيا
يا سلام بقى لو كنت فى مكان و ممكن تفك الكلب و تسيبه ينطلق و يشم و يستكشف و يجرى
مع الوضع فى الاعتبار طبعا عنصر الامان بتاع الناس انه مش هيهجم على حد او يكون فيه
حد بيخاف من الكلاب و ده هيبقى فى اماكن معينة و فى اوقات معينة من اليوم.
اقرأ ايضا عن حقيقة
مذهلة عن حاسة الشم لدى الكلب
ثالثا
بقى و ده حاجه مهمة جدا لازم تعرف ان الكلاب كائنات اجتماعية و بتعيش فى مجتمعات يعنى
لازم يقابل كلاب و يلعب معاهم و يجرى معاهم و ده هيفرق معاه جدا و هتشوفه داخل بيته
مبسوط و ساكت و ميهوهوش طول الليل و لا يخرب بس طبعا مع الوضع فى الاعتبار ان متحصلش
مشاكل بين الكلاب او تكون فى وسطهم نتاية و تحصل خناقة و الخروجه تنتهى بزيارة للدكتور
عشان تعالجه لا قدر الله.
اقرأ ايضا عن ما تضيف تربية الكلاب لشخصيتك
رابعا
فيه لعبة ظريفة ممكن تستخدمها بالاكل يعنى انك تأكله شوية و تلاعبه شوية او تشيل الاكل
و تخبيه ممكن مثلا تدى الكلب امر استاى و تخبى الاكل و تسيبه يروح يدور عليه بس كل
ده فى اطار اللعب و ميكنش الكلب جعان و يكون كلبك الى مربيه لان الكلاب الغريبة وقت
الاكل مبتشوفش ادامها فلو حسيت ان الموضوع ده ضايقه بلاش تعمله فيه كلاب مبتهزرش فى
الاكل يعنى خلى بالك اوى.
اقرأ ايضا عن
هل ترى كل سلالات الكلاب بنفس الشكل؟
كل
الى فات ده كلام ممكن تستخدمه و ممكن تجرب حاجه او اتنين انت بقى بتبقى ادرى بكلبك
و هو زهقان امتى و ازاى و تعرف ازاى تخرجه من الملل.
اقرأ ايضا عن انواع
عنف من الكلاب و طرق علاجها
هل تصاب الكلاب بالملل أحيانا ؟
لو
عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من
الناس
و مش هنسى اقولكم لمتابعة
المقالات الجديدة و قراءة المقالات السابقة من التطبيق الاول لمحبى الحيوانات
الاليفة فى مصر #تطبيق_كلاب_قطط
و لو بدوروا على اكاديمية تدريب
كويسة او طبيب بيطرى او محل قريب منك و لقراءة المقالات السابقة و متابعة المقالات
الجديدة برجاء التكرم بتحميل تطبيق egypets من
متجر جوجل او اب استور او تحميله من الرابط التالى :
لتحميل التطبيق
او
من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر