انا وستارك 4 - طبيب الكلاب المعالج :
بقلم الكابتن / عابد عبد المنعم
أنا وستارك والصيف
قصتي انا وستارك كنت بظن انها هتنتهي
عند جزء معين , وهبتدي أدرك أنه مجرد كلب ، بس كنت بستغرب كل يوم وتاني وانا شايفة
بيكبر قدامي ، ويوم عن يوم بحس انه جزء من عائلتي .
بس هل ياترى ستارك هو كمان كان بيشوفني
فرد من عائلته ؟
بصراحة ستارك كان أجدع مني بكتير ،،،،
ستارك كان شايفني كل عائلته ،،،،
حقه بصراحة ميعرفش حد غيري ولا بيشوف حد غيري ، ممكن كنت أنزل لأي حد من صحابي
، لكن هو مكنش يعرف حد غيري ولا بيسعده غير لحظة دخولي ليه ، وكأني الدنيا بتبتدي من
أول وجديد في عيون واحد كان خلاص مقتنع انه مش هيشوف حد تاني.
انا مكنتش فاهم ده ، أنا أدركت
الموضوع متأخر قوي !!! 😣
ولو يرجع بيا الزمن مسيبوش لحظة لوحده 😔
بحكم شغلي ، صعب عليا أني أصيف بأستمرار ، لدرجة أني افتكرت في المره دي
أني مسفرتش مصيف يجي من سبع سنين ، والمره دي تحديدا كان لازم أغير جو عشان كنت بمر
بظروف معدتش عليا قبل كده ، وكمان البركة حلة رضيو عليا في الشغل ووفقو أني أخد اجازة.
يبقى أيه يبقى أصيف 🤔🤔🤔
ومع أول فرصة جتلي أني اخد اجازة وصيف ، دورت على صديق مؤتمن اسيب عنده ستارك
عشان طالع المصيف مع شركة سياحية ، وحولت كتير أقنع صاحب الشركة السياحة إنه مش مؤذي
وإنه هادي بس مفيش فايده 😔
.
يافندم قانون الاماكن الي بننزل فيها بيمنع اصطحاب الحيوانات الاليفة ، مبالك
بكلب بيتبول 😠.
اما أني أصيف من غيره ،،،،، واما منصيفش
اصلا ، وللاسف مكنش ينفع اضيع الفرصة دي .
سفرت اسبوع استمتعت فيه ، بس كل يوم كنت بتصل بصديقي اطمن على ستارك ، كأنه
عيل من عيالي ، وكل مره كان بيقولي انه مهتم بيه جدا ، وللحق فعلا كان مهتم بيه جدا
في موضوع الاكل.
بس لما رجعت من المصيف مستحملتش أبات من غيره ، جريت خدت السيارة وروحت جري
على صديقي أجيبة عشان ميزعلش اكتر من كده.
وستارك أول ما شفني كان فيه كم سعاده لا توصف من كتر فرحته كان شبه هينوط من
الدور الخامس عشان ينزلي.
ستارك بيعرف أني جيت من بعد ٢ كيلو تقريبا 😳 ، مش بهرج ولا بأفور حقيقة.
سبحان الله في خلقه 💖
دخلت البيت ولعبنا وحضنا بعض ، للاسف تعب الطريق والمجهود بتاعة يخليك تبقى
بدور على السرير بالعافية.
بس المشكلة الحقيقية أبتدت تاني يوم ، لما صحيت ودخلت لستارك ولقيت عنده تساقط
عالي في الشعر ، وكمان بيهرش برجله كتير في جسمه ابتديت احس بحاجة غلط.
ستارك عنده حساسية 🤔 ؟
خدته وجريت على الدكتور ،،
مبحبش أسأل على النت بجد موضوع مش عملي نهائي ,,
وفي ناس نوايها طيبة جدا ،، بس مبتكونش عارفين أني في حالات كتيره بتتشابه.
خدت ستارك وطلعت على عيادة جنبي وكان ده الحورا
انا :
سلام عليكم يادكتور كلبي عنده تساقط عالي جدا مش عارف ايه السبب.
الدكتور :
هنعمل تحليل ونعرف !!!!
خد عينه من شعر ستارك وبلغني أنها حساسية
ومشيت على العلاج اسبوعين ، حقن ودهانات لمدة
اسبوعين ، وشعر ستارك زي ما هو في التساقط.
المشكلة مكنتش في أي حاجة غير أني صحبي الي وديت ستارك عنده ، كان بيقنعني أنه
عنده خلفية عن الكلاب ، لكن الحقيقة مكنش يعرف النظافة لستارك أزاي ، والغلط الاكبر
كان عندي أني مخدتوش معايا 😣 ، وكان
لازم ادفع تمن غلطتي دي 😒.
ستارك مبيتحسنش ولسه التساقط شغال مبيقفش.
رجعت تاني العيادة بعد ما أتأكدت أني
مفيش نتيجة من العلاج ، بس غيرت الدكتور المره
دي،،،،،
والي حسبته لقيته ستارك عنده ( جرب
) 😳😳😳😔😔.
المره الاولانيه الدكتور مكنش شاطر لدرجة أني دخلت معاه في جدل بسبب أحساسي
بسوء التشخيص ، رغم كده أصر على رأيه ، وانا اصريت أني اسمع كلامه عشان يدفع ثمن نتيجته
، وفعلا دفعتهاله.
دكتور مبيذكرش ومبيعملش تحديث للمعلومات
زية زي القنبلة الي ممكن تنفجر في أي وقت.
دكتور مبيقراش المتغيرات العلمية الي بتحصل بين الفترة والتانية ، غلط لما خد
بالمسلمات دي شبة دي تبقى حساسية.
ما بالك بشخص ليل نهار بيقول للناس على النت أدي كذا ودي كذا لكلبك ، ممكن يعمل أيه.
عموما مشيت على العلاج وستارك بعد شهرين خف،،،،،
كل يوم كنت بعالج فيه ستارك كنت بحس بتأنيب الضمير عشان كنت السبب في مرضة.
أنك تكون حاسس أنك سبب في أزية حد ، مش أمر سهل ، على الاقل من وجهة نظري.
بس نقول أيه يموت المعلم ولسه بيتعلم ، ربنا يريد اني تجيلي عزومه في السخنة
بعدها بكام شهر ، ونسيت كل الي مر كأنه مجاش
، وبردو ادور على مكان تاني اودي فيه ستارك
، وصديق يقرر انه ياخده يخليه عنده.
بس ميعديش عليا ٢٤ ساعة بعد ما سفرت اعرف انه غير مكانه ، وراح سابه عند حد
عشان حصله حالة وفاة ، وكان لازم يسافر عشان الدفن ، ومدرتش بنفسي غير وانا راكب السيارة
، وراجع على القاهرة الساعة ٦ صباحا عشان افتكرت ذنب ستارك القديم.
( لا يلدغ المؤمن من جحر مرتين )
رجعت القاهرة وبوظت رحلتي عشانه ستارك ،،،،
ستارك أثبت انه مش بس جزء من عائلتي ، لا كمان اثبتلي أنه قدر ياخد حته في قلبي
مكنتش دريان انها موجودة اصلا.
قصة ستارك مخلصتش لسه ليه بقية ، وهتتعلمو منها كتير تابعوها وصدقوني هتستفادو
كتير جدا.
اقرأ ايضا عن انا و ستارك 3
اقرأ ايضا عن أنا وستارك 2
اقرأ ايضا عن
أنا وستارك
للاستفادة بكافة المعلومات عن 🐩 تابعونا على قنواتنا الرسمية :
متنسوش الايك والسبسكراسب وتفعيل جرس الاشعارات 💢 على صفحتنا على يوتيوب عشان يوصلكم أجدد المعلومات
لينك
صفحتنا على إنستجرام : 🥨🎈💥
نحن نسعى دائما لتقديم أفضل المعلومات 💯🎀💯❤️
لو عجبك المقال لايك و تاج لمن يهمه الامر و
شير و كومنت صغير عشان
يوصل لاكبر عدد من الناس.
و مش
هنسى اقولكم لو عايز طبيب بيطرى او محل قريب منك و
لقراءة المقالات السابقة و متابعة المقالات الجديدة برجاء التكرم بتحميل تطبيق egypets من متجر جوجل او اب استور او لتحميله :
او من
خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر