اكيد كل الى عنده كلب خده و اتمشى بيه كتير و اكيد و هو
بيتمشى بيه الكلب راح مكان مثلا و قعد ينكش او يحفر و انت طبعا ممكن تمنعه او
تزعقله و حتى لو سيبته و لقى حاجه انا هقولك هيلاقى ايه اما زبالة حد رميها و
ادفنت او يبقى حظك حلو و يلاقى قتيل و تلبسه و ممكن يطلع حظك حلو بردو و تقابل
مخلوق فضائى يخطفك ولا عفريت يخضك لكن معلش بقى مستحيل تلاقى حاجه ليها قيمة او
كنز مثلا و الا متبقاش واحد مننا .
اقرأ ايضا عن
اغنى حيوانات اليفة فى العالم
لكن هنا بقى انا هتكلم عن ناس و هما بيمشوا كلابهم لقوا
حاجات غريبة او حاجات قيمة من الى ممكن نطلق عليها ثروة .
اقرأ ايضا عن
كلب المطرية
نبدأ بصاحب الحظ رقم واحد و نقول الو :
الباشا لقى اثار ايوة زى ما بقولك كده سنة 2010 تيم و
كاثى كانوا بيمشوا كلبهم في ولاية أوهايو و كلبهم بدأ يحفر لقوا قطعة معدنية بتلمع
و بعد ما طلعوها أرسلت صورة إلى جمعية أوهايو التاريخية الى قالت انها رأس سهم
يرجع لصياد من سكان امريكا قبل 3000 عام و
طبعا زى ما حضرتك عارف ان امريكا معندهاش تاريخ بالتالى كل قطعة اثرية يتم التقاتها
بتكون مهمة جدا.
اقرأ ايضا عن كيف تسيطر على خوفك من الكلاب
و صاحب الحظ رقم اثنين لقى ايه
لقى حفرية يرجع عمرها ل300 مليون سنة تخيل يا مان 300
مليون سنة و طبعا حاجه زى دى مبتحصلش كل يوم لكن المعلم باتريك وسوزي كيتينغ
يمشيان مع كلبهما في نوفا سكوتيا عندما صادف ما يشبه صدر دجاج مغطى بالصخور و طبعا
مكنتش فراخ حضرتك دى كانت قطعة من احد الزواحف المائية الى انقرضت من 300 مليون
سنة و تم تسليمها للمتحف و اسمحلى اقولك يا ابو الخظ ان نفس الاثنين بعدها و هما
بيتمشوا على البحر لقوا جمجمة لنفس الحيوان و الى اتلقى زيها فى اوروبا و تكساس و
ده غير جزء من تاريخ الحيوانات المنقردة .
اقرأ ايضا عن اغلى انواع الكلاب العالم
نخش فى سعيد الحظ رقم ثلاثة
سعادته لقى جزء من نيزك ايوة انت قريت صح نيزك سنة 2012
الست براندا من كاليفورنيا و هى بتمشى كلبها فى الحديقة قفش صخرة وزنها 17 جرام و
مرضيش يسيبها لقتها غريبة شوية ليه بقى لانها نيزك و عمره ستة مليار سنة اكرر
مليار كان انفجر قبل الغلاف الجوى و سقتت منه القطعة الى لقيتها بنت المحظوظة و
مرضتش تسلمها للمتحف حطيتها فى فترينة غيرة مقفولة باحكام و بتسمح للناس تيجى
تتفرج عليها مش محتاج اقولكم قيمتها طبعا.
اقرأ ايضا عن
لماذا تقوم الكلاب بالحفر في الارض ؟
سعيد الحظ رقم اربعة ليقى ايه بقى
ستين الف جنيه استرلينى يعنى 100 الف دولار و دول لقاهم
باشا و هو بيمشى كلبه فى المملكة المتحدة جنب نهر سبالدينج الموج راميهم .
اقرأ ايضا عن سلالات كلاب الاكثر وفاء
لاصحابها
نخش على الى بعده رقم خمسة لقى ايه ده كمان
سنة 2014 فى كاليفورنا كان واحد و مراته بيمشوا كلبهم فى
الجنينة قعد ينبش لقوا صفيحة صغيرة بيبصوا فيها لقوا عملات ذهبية من القرن التاسع
عشر قعدوا يكملوا حفر فى حتت مختلفة لقوا صفايح تانية احب اقول لحضرتك ان الى لقوه
طلع يساوى 10 مليون دولار و الاثنين رفضوا انهم يعلنوا عن المكان او شخصيتهم فى
الاعلام خوفا للناس تتجنن و تيجى تحفر فى بيتهم عشان يلاقوا كنوز هما كمان.
اقرأ ايضا عن هل تصاب الكلاب بالملل أحيانا ؟
يلا بقى كفاية عليكم كده كل واحد فينا لازم يقوم يلبس و
ينزل يمشى كلبه و يسيبه ياخد راحته و يحفر زى ما هو عايز بقى اشمعنى احنا الى
ميطلعلناش حاجه .
اقرأ ايضا عن لماذا تأكل الكلبة أولادها ؟
لو عجبك المقال لايك و تاج لمن يهمه الامر و شير و كومنت صغير عشان
يوصل لاكبر عدد من الناس .
و مش هنسى اقولكم لو بدوروا على اكاديمية تدريب كويسة او طبيب بيطرى
او محل قريب منك و لقراءة المقالات السابقة و متابعة المقالات الجديدة برجاء
التكرم بتحميل تطبيق egypets من متجر جوجل او اب استور او تحميله من الرابط التالى :
لتحميل التطبيق
او
من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر