الحمل عند الكلاب (الحلقة الثانية)
هنكمل كلامنا النهارده عن الحمل عند الكلاب
و نفكركم بالحلقة الى فاتت و وصلنا لحد ما تم الحمل الحمد لله .
فترة الحمل ان شاء الله 62 يوم تقريبا .
دلوقت بقى هنتكلم بعد ما رحت للبيطرى و عرفت ان كلبتك حامل لازم تعمل
حسابك على اجراءات كتير و اهتمام معين للكلبة الحامل .
1- لازم
الاكل الى بتقدمه لها يكون كاف و مغذى بشكل تام.
2- فى
اول فترة الحمل اكلتها هتقل لكن بعد كده هترجع طبيعية و تاكل اكتر من الاول .
3- المشى
مفيد للكلبة الحامل و بيسهل ولادتها و بقول المشى يعنى هنبعد بالكلبة عن الجرى و عن
اى لعب عنيف مع الكلاب الاخرى بالرغم انى عارف ان باقى الكلاب هتراعى انها حامل لكن
لازم نكون حذرين.
4- لو
البيطرى كتبلك شوية فيتامينات و كالسيوم الموضوع ده هيبقى مفيد جدا ليها و للجراوى.
5- مفيش
ادوية ديدان و لا حشرات و لا الكلام الفارغ ده لانه مضر جدا و هيسقطها و لو لا قدر
الله وجدت ديدان او حاجه اتجه فورا للبيطرى و عرفه انها حامل و هو هيتصرف ( انا شخصيا
بفضل الشيح على الريق بيخلص على الديدان من غير ما يضر الكلب.
6- تجهز
بقى مكان دافى و مريح للولادة قبل معاد ولادتها باسبوع كده عشان تاخد عليه.
7- انت
نفسك و افراد اسرتك المفروض تكونوا جنبها وقت كتير فى الفترة الاخيرة لمتابعتها و عشان
تبقى مطمئنة جدا.
8- زيارة
البيطرى للاطمأنان على الكلبة مش رفاهية لان ممكن يكون فيها حاجه بسيطة زى صديد على
اللبن و الحاجه دى تقتل الجراوى فلازم تكشف عليها.
اقرأ ايضا عن نباح الكلب و التغلب عليه
الحمل عند الكلاب
نيجى بقى للمهم و هو يوم الولادة
لازم تكون هادى و حاسب ال 63 يوم الى قلنا عليهم و بعد وقت معين نقول اليوم
ال70 ده لو انت حاسب صح لو محصلش ولادة لازم مساعدة البيطرى او تذهب للمستشفى لانها
ممكن تكون محتاجه تدخل جراحى او قيصرى و اى تأخر ممكن يكون الثمن حياتها.
طب الحمد لله فى اليوم الموعود تم المراد و بدأ عليها اعراض الولاده ايه
المفروض اكون مجهزه خد عندك يا سيدى:-
1- مرتبة
او سجادة كويسة و نظيفة عشان تولد عليها .
2- مكان
الولادة يكون دافئ بشكل جيد عشان الجراوى متموتش.
3- صندوق
خشب او كرتون صغير عشان تحط فيه الجراوى المولوده
4- و
يستحسن يكون معاك حقنة طلق لان ممكن تستخدمها لو الامور تطلبت.
تواجدك جنبها و هى بتولد مهم جدا و هيمنع حاجات كتير و هيطمنها .
كلامنا لسه مخلصش هنكمله الحلقة الجاية ان شاء الله .
لقراءة الحلقة الرابعة اضغط هنا
لقراءة الحلقة الثالثة اضغط هنا
لو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس.
و مش هنسى اقولكم لو بدوروا على اكاديمية تدريب كويسة او طبيب بيطرى او محل قريب منك و لقراءة المقالات السابقة و متابعة المقالات الجديدة برجاء التكرم بتحميل تطبيق egypets من متجر جوجل او اب استور او تحميله من الرابط التالى :
لمتابعة المقالات الجديدة و قراءة المقالات السابقة من التطبيق الاول
لمحبى الحيوانات الاليفة فى مصر #تطبيق_كلاب_قطط
لتحميل التطبيق
او من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر